Lief-Orania tref die kuberruim!

In vandag se tyd is dit ondenkbaar om sonder die internet te lewe. Die web het inderdaad ons hoofbron van navorsing, inligting en bemarking geword. In Orania se geval is dit tans ‘n tweesydige  swaard.

Wanneer mens Orania “google” vind jy die webwerwe van Orania Beweging, Afsaal-op-Orania en Orania se Wikipedia-bladsy heel boaan die resultaat-bladsy. Ander webwerwe soos Orania Oewerhotel, Orania Toere en Orania CVO is nog op die tweede resultaat-bladsy, maar is gelukkig besig om vinnig te klim.

Dan sien mens, ook op die eerste resultaat-bladsy, skakels na artikels soos “Orania: where apartheid lives on” en “10 years on, Orania fades away”. Meeste van hierdie artikels is deur liberale joernaliste geskryf om doelbewus neerhalend te wees en Orania te smaad. Die probleem word vererger weens die feit dat baie van hierdie artikels uiters onakkuraat is en foutiewe inligting aan lesers verskaf.

Daar word dus ‘n kontrasterende beeld geskep  wat lesers verwar – wie is dan nou eintlik reg?

Vry Afrikaner het besluit om in die belang van Orania op te tree en iets hieromtrent te doen. Ons het ’n string nuwe web-domeine geregistreer en is tans besig om Orania gebaseerde webwerwe te ontwikkel dat dit bars. Die dae dat gemors oor Orania voorkeur op die Internet geniet is verby!

Om te wys hoe graag ons met Orania wil spog het Vry Afrikaner  gister die eerste van hierdie nuwe webwerwe geloods, nl. Lief-Orania. Dis ‘n spreekwoordelike aanlyn skouvloer vir die beste wat Orania het om aan die publiek te bied.

Lief-Orania is ’n webwerf wat ten doel het om die gemeenskap en besighede van Orania te bevorder. Dit dien as ‘n aanlyn gids vir uitwoners wat wil kom kuier, moontlike beleggers  en enige nuuskierige agies daarbuite wat Afrikaans kan verstaan.

Dit is die eerste webwerf van sy soort in die sin dat hy ook Vry Afrikaner se projekte bemark, Orania se gemeenskap op ‘n moderne wyse bekendstel en ’n gids van al Orania se besighede op een kuber-bymekaarkomplek beskikbaarstel.

Lief-Orania teiken die welvarende Afrikaner wie se harte en beleggings broodnodig is om ontwikkeling op Orania en die groter volkstaat-gebied te versnel.

Bo en behalwe dit is Lief-Orania ’n moderne, netjiese webwerf waarby enige eerste wêreld denker aanklank sal vind, wat meer kan ’n besoeker voor vra?

Laat weet ons hieronder wat dink julle van: http://www.lief-orania.co.za

Orania voorwaarts!

Willie Spies in gesprek met Vry Afrikaner

Willie Spies gesels met Vry Afrikaner media oor die vryheidsideaal, waar Orania in die prentjie pas en wat Afrikaners kan doen om ’n verskil te maak. Na al die harde werk wat hy ingesit het om Julius Malema in die hof te beveg en sodoende die gewraakte “Kill the Boer” lied te verban, brei Willie uit oor sy rol by AfriForum en die redes waarom hy sedert sy studentejare betrokke is met die skepping van ’n ruimte waarin Afrikaners vry en veilig kan leef.

 

Vry Afrikaner in gesprek met Quintin Diederichs

In Vry Afrikaner media se eerste onderhoud gesels ons met Quintin Diederichs, stigter van Vry Afrikaner. Ons gesels oor Orania en die rol van Vry Afrikaner.

Genocide Watch: volksmoord teen Afrikaner opgeskuif na 6/7

Dit moet versprei word want die SA media gaan waarskynlik niks hieroor sê nie. Genocide Watch het sopas die dreigende volksmoord teen Afrikaners opgeskuif na vlak 6/7. Elke nugter denkende Afrikaner doen ‘n beroep op jou en alle Afrikaners wat jy ken om nou betrokke te raak by ‘n organisasie soos die Orania Beweging sodat hulle oor ‘n groter vermoë beskik om die oplossing, m.a.w. selfbeskikking en vryheid vir die Afrikanervolk in ’n eie demokratiese volkstaat, vreedsaam kan bewerkstellig.

Byna 10 000 Afrikaners wat al lede is van Orania Beweging is reeds deel van die oplossing. Soos dit werk in die lewe, is hierdie organisasie se vermoë beperk tot die steun wat ons vir hulle gee en dankie tog dat heelwat darem al deur hulle bereik is! Opposisie is nodig ja, maar dis duidelik nie genoeg nie. Om apaties te wees, weg te bly of om DA te stem los beslis nie die probleme wat jóú raak op nie want dinge raak net erger: onafhanklike internasionale waarnemers, wat kenners is in hierdie veld, sê dit reguit vir ons.

Hiermee die verslag van Genocide Watch: http://www.genocidewatch.org/southafrica.html

Sluit nou aan en raak betrokke by:

Orania Beweging: http://www.orania.co.za

Daar is ’n plan, daar is hoop, daar is potensiaal en daar is nog bietjie tyd. Kom ons almal sluit aan en raak betrokke sodat ons saam resultate kan bied sovêr dit die oplossing aangaan, eerder as om aanhoudend te kla oor al die probleme en niks daaraan te doen nie. Vele hande maak ligte werk. Neem nou verantwoordelikheid vir jou eie tyd, Afrikaner, en staan saam!

Versprei asb. hierdie boodskap aan soveel Afrikaners as wat julle moontlik kan.